فرهنگی ،مذهبی
حضرت علی اصغر (ع) نوحهسی قوْشار: نادری باجی جان شرار-ی-غمده اورهک اوْدلانیبدی تئز گـل الیم اوسته شیرخواریم، سوسوز اوْخلانیبدی تئز گل گلهبیلمیرهم خیامه، اورهگیمده یوْخدو طاقت گل اؤزون آپار بالامی، منه ائیله بیر حمایت بوْغازین بیچیبدی پئیکان، اوْلا جیسمی بلکه راحت منه راه-ی-چاره بوردا باجی باغلانیبدی تئز گل باخیرام بو طئفل-ی-زاره، اورهگیم دؤنیر کبابه یوْلا گؤز تیکیب آناسی، دوشوب ایندی اضطرابه گل آپار بو طئفلی زینب وئر اوْ ناتوان ربابه الیم اوسته جان وئرهنده، جیگریم یانیبدی تئز گل من آپاردیم اصغریمه سو آلام کی راحت اوْلسون منی ائتدیلهر خجالت اوْخ آتان خجالت اوْلسون گل آپار خیامه طئفلی، تزه بیر قیامت اوْلسون بوْیانوبدو ال قوْمادی، قانا ایسلانیبدی تئز گل باجی حرمله کمانه قوْیوب اؤز اوْخون آتاندا آتا قانینی بالانین، قانینا اوْ اوْخ قاتاندا منه تار اوْلوبدو دونیا، ایشیق اولدوزوم باتاندا گینه سینهی-ی-امامت، باجی داغلانیبدی تئز گل سوْلو هانسی باغبانین گولو غونچه چاغی من تک؟ کیمین اوْخلانوب ال اوسته بئله سود اوشاغی من تک؟ باجی هانسی پادشَهدور،پوْزولا تیفاقی من تک؟ منه اوْدلی بیر مصیبت، تزه باشلانیبدی تئز گل بویوروبدو جهل-وْ-ظولمت، باجی بو سپاه-ی-شامی بیر ایچیم سو اوسته بونلار، منیم اوْخلادی بالامی بو قوْشون نه دین تانیرلار، نه پئیمبر امامی زر-وْ-سیمه بو جماعت، عجب آللانیبدی تئز گل سؤزو نادری تمام ائت، یانار الده ایندی خامه نه حیاسیز اوْلدو امّت، سویو وئرمهدی امامه دؤنه قانه بو فراتی گله لعنت اهل-ی-شامه کرم ائت امام-ی-قائم، حق آیاخلانیبدی تئز گل کتاب منشور عاشورا (گلچین)– سید اکبر صدرالدینی حضرت علی اکبر ع نوحه سی قوشار: مولانا یتیم قانون آخدیقجا یوزه زولف-ی-مطرّادن اوغول آپاریر تاب و توانا دل-ی-لئیلادن اوغول سن امامت گونونون کوکب-ی-رخشنده سی سن نئجه کوکب اوگونون جلوه-ی-تابنده سی سن جلوه دن دوشسه گونون علّت-ی-زیبنده سی سن باتا سنسیز یئری وار مشرق-ی-اقصادن اوغول گؤسته ریر یاره لرین خنجر-ی-فولاد اثری گتدی اظهاره باشین نکته-ی-شقّ القمری سنی بوحاله سالان ای دل-ی-لئیلا ثمری بهره مند اولمایا هرگیز ایکی دونیادان اوغول بسله میشدیم سنی بو سینه ده چوخ عزّتیله ن سینه چاک اوللام اوغول ایمدی غم-ی-فرقتیله ن بارخارام پئیکر-ی-صد پاره وه یوز حسرتیله ن آه بو درد-ی- دل حسرت-ی-بی جادن اوغول صورتون حُسن خدادادیله سرمایه سی وار طیّ ائدیب حُسن-ی-جمالین نقدر پایه سی وار عارضون قیرمیزی قاندان ائله پیرایه سی وار گوی سبقت آپاریب هر رُخ-ی-زیبادن اوغول ایستیره م ناله-ی-دلسوزیمی دلدار ائشیده ایسته مم شیون و فریادیمی اغیار ائشیده حئیف دیر بولبول و گول صحبتینی خار ائشیده ناله هر چند برازنده دی ثکلادن اوغول
By Ashoora.ir & Night Skin